Minimalism

 

3 Aya 33 əşya

Əgər siz şkafınızdakı xaosdan yorulmusunuzsa və ya sadəcə az geyimlə kifayətlənməyin faydaları ilə maraqlanır və qarderobunuzu sadələşdirmək istəyirsinizsə, bu məqalə sizə yardımcı ola bilər. 

Az geyimlə kifayətlənmədən öncə mən də hər gördüyüm gözəl paltarı almağı düşünürdüm. Fikirləşirdim ki, endirimlərdən yararlanıb həmin paltarları almaq məni xoşbəxt edəcək və mən öz qarderobumu beləcə tamamlayacam, amma heç vaxt tamamlaya bilmirdim. Həmişə daha çox şeyə ehtiyacım olurdu. 

Hər şeyə sahib olmağın sirri əlində olanların fərqinə varmaqdır.

 Bizim hər birimizin müxtəlif bədən ölçüləri və yaşam tərzimiz var və biz xüsusi kombinasiyalar geyinməyə layiqiq. Kiminsə mükəmməl saydığı qarderob başqa biri üçün uyğun olmaya bilər. Ona görə də çətini öz bədəninə və həyat tərzinə uyğun paltarları tapana qədərdir.

 Minimalist qarderob qurmaq bu işdə sizə kömək ola bilər. Minimalist qarderob növbəti 3 ayda (biz yanvarın 1-dən martın 22-ə qədərki dövrü nəzərdə tuturuq) 33 geyim əşyasından (buraya geyimlər, zinyət əşyaları, aksesuarlar və ayaqqabılar da daxildir) ibarət balaca bir geyim kolleksiyası hesab olunur.  

Minimalist qarderob qurmaq üçün 3 səbəb:

1. Nələrin əhəmiyyətli olduğunu anlamaq

Əgər işlərinizin çoxluğundan şikayətlənirsinizsə, sizə maraqlı olan, vaxt keçirməyi xoşladığınız şeyləri və arzularınızı bəzən unuda bilirsiniz. Həyatı və geyimlər məsələsində az şeylə kifayətlənmək dünyaya bağlanmağa kömək edəcək. Bəzən bizə ən mühüm olanları anlamaq üçün ehtiyacımız olmayan şeylərdən canımızı qurtarmalıyıq.

2. Qərarvermə çətinliyini aradan qaldırmaq

Geyim seçiminə sərf etdiyiniz mental enerjini başqa şeylərə sərf edə bilərsiniz. Səhərlər ən mükəmməl geyimi tapmaq ümidi ilə müxtəlif geyimləri yoxlamaq əvəzinə, sevimli geyimlərdən ibarət qarderob yaradın. Bundan sonra gündəlik qərarlara ehtiyac olmayacaq. Hər gün sevimli geyimlərinizi geyinəcəksiniz. 

3. Sevdiyiniz şeylərə daha çox vaxt ayırmaq 

Hətta nəyin sizin üçün daha çox əhəmiyyətli olduğunun fərqində deyilsəniz belə, az geyimlə kifayətlənməklə düşünmək üçün vaxt qazanmış olacaqsınız. Nəfəs almaq üçün daha çox vaxt və məkan. 

İndi isə minimalist qarderob üçün hansı addımları izləməli olduğumuza baxaq:

1. Görmək

Ayrıca bir günü buna ayırın. Bütün geyimlərinizi, aksessuarlar, zinyət əşyalarınızı çarpayınızın üzərinə yığın. Bütün qış paltarlarınızı (eyni şeyi yazda, payızda və yayda təkrarlayın). Əgər çarpayınızın üzərində olarsa, yatmadan öncə bitirmək üçün motivasiyanız olar.  Minimalist qarderob qurmaq üçün ən vacib addım hansı geyimlərinizin olduğunu görməkdir. Baxın görün, hansı geyimə pul xərcləmisiniz, hansıları heç vaxt geyinməmisiniz.

2. Kateqoriyalara bölmək

Geyimlərinizi aşağıdakı kateqoriyalara uyğun bölün:

•           Sevdiklərim: Mən bu geyimi sevirəm. Mənə yaxşı yaraşır və onları tez-tez geyinirəm. 

•           Bəlkə də geyinərəm: Bu geyimi xoşlayıram və qarderobumda olsun istəyirəm, amma səbəbin bilmirəm. 

•           İanə üçün: Bu geyimlər və ya aksesuarlar daha mənə uyğun deyil və ya praktik deyil. 

•           Atmaq üçün: Bu geyimlər pis vəziyyətdədir, atılmalıdır (əgər mümkünsə, istifadə təyinatını dəyişdirə bilərsiniz) 

Çarpayı paltarlardan azad olunana qədər davam edin.   

Əsas fokusu iki kateqoriyaya yönəldin (“sevdiklərim” və “bəlkə geynirərəm”). Əmin olmadığınız geyimləri əyninizdə yoxlayın və aşağıdakı sualları özünüzə verin: 

•           Bu geyim mağazada indi olsa idi, onu alardım?

•           Bu geyimi növbəti 3-6 ayda geyinəcəyəm? 

Əgər cavab “yox”dursa, bu geyimləri də ianə bölməsinə qoyun.

3. Seçmək

Sevdikləriniz və geyinməyi düşündüyünüz geyimlər kateqoriyasında 33 geyimi ayırın. 

Məsələn:

Geyimlər

•           cins şalvar

•           don

•           yupka

•           sadə t-shirt

•           ağ köynək 

•           pencək 

Aksessuarlar

•           eynək 

•           şərf

Ayaqqabı

•           baletka

•           dabanlı ayaqqabı

•           krassovka