Şəhərdə kitab oxumaq üçün ən sakit yerlər Öz

fikirlərinlə baş-başa qalmaq, özünə zaman verməyin mental, emosional və sosial faydaları var.  

Steorotipləri kənara qoyun və tək gəzməyə çıxın. Telefonuzu yoxlamayın, kitabınızı oxuyun, kofenizi için, özünüzü tanıyın. Aşağıda kitab oxumaq üçün sevdiyim kafelərin siyahısını hazırlamışam:

 

1)    Baku Book Center – şəhərdə mənə görə kitab oxumaq üçün ən yaxşı yerdir. Yerləşməsi rahat, interyeri gözoxşayan bu yer gənclərlə dolub daşır.

2)    W_space – AFF  Mall-un 3-cü mərtəbəsində yerləşən bu kafe həm də kovörkinq mərkəzidir. Terrası çox gözəldir və ən əsası şəhərdə kitab oxumaq üçün ən sakit kafelərdəndir.

3)    Stories- Libraff kitab evlərinin daxilində yerləşən bu kafe haqqında çoxlarının məlumatı var. Mənim sevdiyim Elmlər Akademiyası ilə üzbəüz yerləşən filialıdır. Qiymətləri olduqca münasibdir, vaxtaşırı tələbələrə endirimlər təklif edirlər.

4)     Baku Roasting Company- Space TV-nin arxasında yerləşən və kofesi ilə məşhur olan bu yerə tez-tez baş çəkirəm. Tamam fərqli və çox sadə bir mühiti var. Şəhərdə ən gözəl kofeni burada dada bilərsiniz.

5)     Boho Tea and Wine room – əgər “mən çay adamıyam, kofe mənlik deyil” deyənlərdənsinizsə, bu məkan zövqünüzcə olacaq. Cürbəcür çaylar, dadlı şirniyyatlar dadıb kitabınızı oxuya biləcəyiniz boho stilində bir məkan payıza rəng qatmağa kömək edəcək.

 

Bonus: Əgər kafeyə gedib pul xərcləmək istəmirsinizsə, Milli Kitabxananın yanında yerləşən Açıq kitabxanasına baş çəkə bilərsiniz. Kitabınızı, termosda çayınızı götürün, stollardan birində əyləşin, pul xərcləmədən kafedə olduğunuzu hiss edin.